هاي يا بنات و شباب انا كنت حابة انبهكم ماتروحوش لدكتور تجميل اسمه دكتور بيومي محمد عامر.
هو عنده عيادة في برج الأطباء في فيصل الجيزة و على حسب كلامه هو شغال في مستشفى حكومي في الدقي كمان.
انا رحت له في ديسمبر ٢٠٢٠، يعمل لي شفط دهون ارداف و البطن و شد للثدي.
انا بجد اتشوهت الدنيا مكلكعة خالص و الجنبين مش شبه بعض خالص في البطن و الرجلين. اول مرة في حياتي بقى عندي ترهلات الشكل حرفيا بشع و يقرف.
انا قبل كده كنت عاملة العملية ده بدل ما يدخل الإبرة بتاعته في المناطق ال لسه ما اتعملت زي بطني من الجنب قام عامل لي نفس المنطقة المعمولة شكله كان عاوز يداري على وكسته و يعمل كأن الشغل الناس هو شغله.
و النتيجة؟ شوه الحتة ال اصلا انا كنت مصلحاها.
اول ما خلصت العمليه جابوا لي طبق ستانلس قالوا ده الدهن ال طلع مني. مفروض كانوا ٦ كيلو.
مش المفروض انزل في الميزان ٦ كيلو؟
ما نزلتهمش، بعد العملية على طول زدت ٣٠ كيلو من الأورام و الكدمات مع اني عامله شفت مرتين قبله و ما حصلش كده. بعدها بشهرين لقيت نفسي نازلة كيلو واحد بس بالمقارنة من قبل عملية.
تقريبا الطبق الكبير كان في دهن من فوق بس الباقى كان مايه.
انا لما عملت الموضوع ده عند دكتور ثاني كان بيوري الدهن في كونتينر بلاستيك شفاف. ف تقريبا ده مش بيعمل كده عشان يزود ماية براحته من تحت و الدهن هيسبح فوق الماية دي.
انا نزلت السكرينشوتات بتاعة المحادثه البينا و هو بيقول لي هيصلح لي كل ده و ولا عبرني.
حتى قلت له هخلي المحامية تشتكيه في نقابة الأطباء و بردو و لا همه.
و لا عبرني، الأول كان مستعبطني و بعدها زهق و بطل يرد خالص.
حتى اختي قبل كده راحت تفسي خراج كان عندها المفروض هو فتحه و شال الكيس بس رجع الخراج و شكله بقى اوسخ من الأول ف شكله حتى حتة خراج ما يعرفش يعمله.
و مش عارفة اقنعها من وقتها اوديها لأي حد ثاني ثقتها فيه ماتت.